Peja drejt BIBL!

Pas ‘shigjetave’ ndaj njëra-tjetrës, dramës i ka ardhur fundi. KB Peja përmes një shkrese zyrtare ka njoftuar Federatën e Basketbollit të Kosovës, FBK, se do të filloj me ristrukturimin e klubit, përfshi këtu edhe mbajtjen e Kuvendit Zgjedhor në shtator. 

Kështu, Peja ka filluar përmbushjen e kërkesave nga FBK, ndërsa koordinator i ekipit do të jetë ish kryetari i FBK-së, Fatmir Gashi. 

Gjithashtu, FBK ka bërë të ditur se të hënën do të nominoj Pejën për të garuar në edicionin 2015/16 në BIBL. 

Për më tepër, FBK në bashkëpunim me Kuvendin Komunal të Pejës, do të ndihmojë klubin me organizim të shkollave të basketbollit në këtë qytet, ku përfitim direkt do të ketë skuadra e Pejës.