Peja motivohet me Yllin

Ndeshja e sontme në Suharekë ndërmjet Yllit dhe Pejës, i ka ndihmuar shumë skuadrës pejane për ta harruar humbjen fundit dramatike kundër skuadrës malaziase Sutjeska në Balkan League.

Verdhezinjtë shënuan fitore pa shumë mund ndaj suharekasve, të cilët i mposhtën me rezultat 73-102.

Ekipi i trajnerit Boris Kurtovic shënoi fitore të merituar pasi që gjatë gjithë kohës ishte në epërsi, duke mos lejuar vendasit në asnjë mënyrë ta ngushtojnë disavantazhin, derisa as përkrahja maksimale e tifozëve vendas të cilët e mbushën përplot palestrën “13 Qershori” të Suharekës, nuk ndikoi në ndryshimin e epilogut të ndeshjes.

Alban Veseli ishte koshashënuesi më i mirë i ndeshjes me 26 pikë të shënuara, prej tyre gjashtë treshe, ndërsa në anën tjetër u dallua Najee White me double-double prej 21 pikëve dhe 10 kërcimeve. Vlen të ceket se për ekipin e pejës në këtë ndeshja nuk ka qenë paraqitur fare përforcimi më i ri, Teo Simovic.

Kjo ishte fitorja e tretë e Pejës në ETC Superligë, derisa Ylli ka numër të njëjtë të humbjeve.

Ndeshjen e radhës pejanët e luajnë pas katër ditësh kundër Teodos në kuadër të Ligës Ballkanike, kurse Ylli në xhiron e ardhshme të Superligës do të jetë mysafir i Besës.

Rezultatet dhe tabela aktuale.

Statistikat ekipore

	YLLI	PEJA
Çereku i parë	14	25
Çereku i dytë	17	26
Çereku i tretë	20	24
Çereku i katërt	22	27
Kërcime	40	36
Asistime	13	31
Topa të vjedhur	14	12
Topa të humbur	10	13
Tentime për tre pikë	2/11	16/34
Tentime nga loja	30/75	41/74
Gjuajtjet e lira	11/15	4/6

Statistikat individuale te Ylli

1	Najee White	21 pikë	10 kërcime	1 asistim
2	Urim Zenelaj	13 pikë	10 kërcime
3	Charles Hammrok	10 pikë	3 kërcime	1 asistim
4	Erris Nushi	9 pikë	4 kërcime
5	Derrick Washington	8 pikë	7 asistime	4 kërcime
6	Artin Gashi	7 pikë	3 kërcime	2 asistime
7	Florint Fetiu	2 pikë	1 kërcim	1 asistim
8	Alban Berisha	2 pikë	1 kërcim
9	Arlind Hajdari	1 pikë	2 kërcime

Statistikat individuale te Peja

1	Alban Veseli	26 pikë	12 kërcime
2	Gerti Shima	20 pikë	8 kërcime	6 asistime
3	Hrvoje Puljko	20 pikë	2 kërcime	1 asistim
4	Drilon Hajrizi	12 pikë	4 kërcime	1 asistim
5	Jan Mocnik	9 pikë	12 asistime
6	Radomir Marojevic	8 pikë	3 kërcime
7	Rron Grapci	4 pikë
8	Samir Shaptahovic	3 pikë	8 asistime	2 kërcime