VERDHEZINJTË
BOROZANI/D.S.
Peja përfundon stinorin e rregullt me rekord
16 April, 2016 @19:32
Peja ka mposhtur sot Trepçën në përballjen e fundit mes skuadrave në stinorin e rregullt të Superligës, që merr fund sot.
Me këtë fitore, Peja ka përfunduar stinorin me bilanc 23 fitore e 1 humbje, bilanc ky që është rekord i 5 viteve të fundit në Superligë.
Deri më këtë stinor (në 5 vitet e fundit) skuadrat lidere kanë pasur së paku dy disfata gjatë stinorit të rregullt, por Peja ka arritur që të përfundojë me vetëm një disfatë përgjatë gjithë këtyre ndeshjeve.
Nëse i kthehemi ndeshjes së sotme, verdhezinjtë nuk e kanë pasur vështirë ndaj mitrovicasve. Kevin Burwell e Fisnik Rugova kanë qenë në formë të mirë, ndërsa trajneri Branimir Pavic i ka dhënë mundësi thuajse të gjithë lojtarëve të paraqiten në ndeshje.
Te Trepça më i dalluari ka qenë Besnik Azemi, derisa ekipi i Neven Plantakut do ta ketë pikërisht Pejën rivale të gjysmëfinales së Play-Offit.
Burwell e përfundoi ndeshjen me 19 pikë të shënuara dhe 4 kërcime, ndërsa Rugova me 17 pikë, 5 kërcime e 3 asistime. Drilon Hajrizi ka qenë në parket për vetëm 5 minuta ndaj ish ekipit të tij, ku ka shënuar 4 pikë dhe ka realizuar 5 kërcime.
Ndërkaq te Trepça, vetëm Azemi ka shënuar pikë dyshifrore, 17. Të tjerët kanë qenë nën mesataren e tyre, derisa Plantak u dha mundësi në gund të gjithë basketbollistëve në dispozicion që së paku 4 minuta të shijojnë ndeshjen.
Statistikat ekipore
| Trepça | Peja | ||
| Çereku i parë | 14 | 19 | |
| Çereku i dytë | 18 | 21 | |
| Çereku i tretë | 12 | 24 | |
| Çereku i katërt | 14 | 22 | |
| Kërcime | 37 | 43 | |
| Asistime | 14 | 20 | |
| Bllokada | 1 | 0 | |
| Tentime për tre pikë | 4/21 | 12/27 | |
| Tentime nga loja | 23/66 | 33/73 | |
| Tentime nga gjuajtjet e lira | 8/13 | 8/13 |
Statistikat individuale te Trepça
| 1 | Besnik Azemi | 17 pikë | 4 kërcime | 1 asistim |
| 2 | Korab Prekazi | 9 pikë | 13 kërcime | 4 asistime |
| 3 | Valdrin Haxhiu | 8 pikë | 7 kërcime | 2 asistime |
| 4 | Arian Mehmeti | 8 pikë | 6 kërcime | 1 bllokadë |
| 5 | Arian Tahiri | 7 pikë | 4 asistime | 3 kërcime |
| 6 | Agon Selmani | 6 pikë | 1 kërcim | - |
| 7 | Petar Zivkovic | 3 pikë | - | - |
| 8 | Musab Malaj | 0 pikë | 2 kërcime | 1 asistim |
| 9 | Gazmend Asllani | 0 pikë | 2 asistime | 1 kërcim |
Statistikat individuale te Peja
| 1 | Kevin Bruwell | 19 pikë | 4 kërcime | 2 asistime |
| 2 | Fisnik Rugova | 17 pikë | 5 kërcime | 3 asistime |
| 3 | Alban Veseli | 9 pikë | 6 kërcime | 6 asistime |
| 4 | Leonard Mekaj | 9 pikë | 4 asistime | - |
| 5 | Samir Zekiqi | 8 pikë | 7 kërcime | 2 asistime |
| 6 | Ronald Davis | 8 pikë | 4 kërcime | 1 asistim |
| 7 | Rron Grapci | 6 pikë | 8 kërcime | - |
| 8 | Drilon Hajrizi | 4 pikë | 5 kërcime | 1 asistim |
| 9 | Burim Zekiqi | 4 pikë | 2 kërcime | - |
| 10 | Beqë Kovaqi | 2 pikë | 1 asistim | - |
