Peja rikthen Simovicin

Peja ka bërë goditjen e fundit për këtë stinor në Superligë. Qendra kroate Teo Simovic është rikthyer në “Karagaç”. 

Njoftimin e ka dhënë Federata e Basketbollit të Kosovës (FBK) sonte, që ka bërë të ditur se lojtari në fjalë është paraqitur për regjistrim nga KB Peja sonte dhe do të ketë të drejtë të luaj që në xhiron e XXIII të Superligës.

Simovic 205 centimetra i gjatë ka qenë pjesë e Pejës në stinorin 2013/14 ndërsa aktualisht është 31 vjeçar.

Kroati që luan në pozitën e qendrës do të jetë një ndihmesë e madhe për ekipin verdhezi për pjesën përfundimtare të stinorit ndërsa herën e fundit kur ka qenë te Peja, lojtari në fjalë ka pasur mesatare prej 10.2 pikëve për ndeshje, 5.5 kërcime dhe 1 asistim.