GAME 4: KBF PENZA - KBF BASHKIMI
FOTO / Ardit Qeriqi
Penza dominon në pjesën e dytë, kampionja caktohet në Prizren
26 April, 2021 @21:01
Ndeshja e katër finale në Ligën e Femrave, i takoi KBF Penzës, e cila e mposhti KBF Bashkimin me rezultat 72-58.
Skuadra pejane 10 minutëshin e parë e kaloi në epërsi (19-16), kurse Bashkimi e mbylli pjesën e parë përpara me rezultat 32-37.
Pjesa e dytë e ndeshjes i takoi totalisht Penzës, derisa dallimi u bë në çerekun e katërt ku skuadra pejane pësoi vetëm 8 pikë.
Gabriella Cooper shkëlqeu pas lëndimit, pasi që mungoi në ndeshjen e kaluar te Penza. Ajo luajti me 23 pikë, 10 kërcime e 3 asistime, derisa u ndihmua edhe nga Valbona Bytyqi me 18 pikë dhe Arbnora Përquku me 14 pikë, 9 asistime e 8 kërcime.
Te Bashkimi Aisha Balarabe luajti me double-double prej 14 pikëve e 14 kërcimeve, kurse u dalluan edhe Saranda Daci e Irma Konjusha me 12 pikë të tjera.
Rezultati në seri është 2-2 dhe kampionja e Ligës së Femrave do të caktohet në ndeshjen e pestë që do të luhet në Prizren.
