PLAY OFF - LIGA E FEMRAVE
Penza finaliste, Cooper heroina e ndeshjes
12 April, 2021 @20:52
Skuadra e Penzës është finalistja e dytë e Play Off-it në Ligën e Femrave.
Vashat pejane e mposhtën Prishtinën në çastet e fundit të ndeshjes me rezultat 87-86, pas një serie perfekte prej 10-0 brenda dy minutave të fundit.
Heroina e ndeshjes ishte basketbollistja amerikane, Gabrielle Cooper, e cila shënoi në sekondën e fundit nga afërsia, pasi më parë kapi kërcimin në sulm pas tentimit të huqur të Valbona Bytyqit.
Kjo e fundit ishte më meritorja në këtë fitore duke shënuar hic më pak se 34 pikë e 7 kërcime.
Në anën tjetër, te Prishtina u dalluan Enisa Kamerolli me 25 pikë dhe Enxhi Xhanaj me 22 pikë të tjera.
Penza me këtë rezultat e fiton edhe ndeshjen e dytë gjysmëfinale përballë Prishtinës dhe kualifikohet në finale me rezultat 2-0.
Në final Penza do të takohet me skuadrën e Bashkimit.
