GAME 1: KBF PRISHTINA - KBF PENZA
Penza kap avantazhin, mund të arrijë finalen në Karagaç
8 April, 2021 @21:27
Vashat e Penzës triumfuan ndaj Prishtinës në ndeshjen e parë gjysmëfinale të Play Offit me rezultat 60-71.
Vashat pejane ishin në epërsi në çdo çerek të ndeshjes dhe u kthyen në shtëpi me një fitore të rëndësishme.
Gabrielle Cooper shkëlqeu me 25 pikë e 11 kërcime te Penza, kurse u veçua edhe Valbona Bytyqi me 17 pikë të tjera.
Te Prishtina nuk mjaftuan 16 pikët e Enisa Kamerollit dhe 15 pikët e Enxhi Xhanajt për fitore.
Penza kaloi 1-0 në epërsi ndaj Prishtinës dhe është 1 fitore larg finales në Ligën e Femrave.
Nëse barazohet seria në Karagaç, ndeshja e fundit e serisë do të luhet në Pallatin e Rinisë dhe Sporteve në Prishtinë ngase epërsia e terrenit është te Prishtina.
