GAME 1: KBF BASHKIMI - KBF VËLLAZNIMI
Aisha 34 pikë, Bashkimi pranë finales
8 April, 2021 @21:16
Vashat e Bashkimit e mposhtën Vëllaznimin me rezultat 99-71 në ndeshjen e parë gjysmëfinale të Play Offit.
Në çerekun e parë, Bashkimi pësoi vetëm 7 pikë dhe shënoi 27, ku më pas e kontrolloi diferencën deri në fund të ndeshjes dhe e regjistroi fitoren e parë të Play Offit.
Aisha Balarabe ishte e pakapshme në këtë ndeshje. Ajo luajti me 34 pikë, 22 kërcime e 5 asistime, kurse u ndihmua edhe nga Saranda Daci me 27 pikë, e 8 kërcime dhe Irma Konjusha e cila luajti me shifrat magjike triple-double prej 17 pikëve, 12 kërcimeve e 10 asistimeve.
Në anën tjetër te Vëllaznimi u dalluan Raven Baker me 34 pikë, 8 kërcime e 7 asistime dhe Sarah Mgbeike me 17 pikë e 11 kërcime.
Skuadra që shënon 2 fitore, kualifikohet në finale të Play Offit.
