Play-Offi nis në Karagaç

Fituesja e kampionatit të rregullt të Superligës, Peja, pret Trepçën në “Karagaç” sonte në ndeshjen e parë të serisë gjysmëfinale të Play-Offit që zyrtarirsht nis sot.

Verdhezinjtë janë të motivuar shumë për të triumfuar në ligë dhe shpresojnë që ta kalojnë shpejtë gjysmëfinalen para se të presin kundërshtarin final.

Në stinorin e rregullt Peja nuk ka pasur asnjëherë probleme ndaj ekipit mitrovicas, duke i mposhtur në katër përballjet e zhvilluara, plus edhe në gjysmëfinale të Kupës së Kosovës.

Peja nuk ka fituar asnjë trofe këtë vit ende, ndërsa Superkupa e Kosovës është trofeu i fundit i fituar nga ekipi që u morr në fillim të këtij stinori.