Harden në sekondën e fundit mposht kampionin

Houston Rockets ka shfrytëzuar në mënyrë më të mirë të mundshme avantazhin e terrenit vendas mbrëmë. Ylli i tyre, James Harden, ka shënuar pikët vendimtare në sekondën e fundit të ndeshjes, për të fituar 97-96.

Harden, raketa më precize e Houstonit, ka përfunduar ndeshjen me 35 pikë, 9 asistime dhe 8 kërcime për të ulur epërsinë e kampionëve në 2-1 pas tre ndeshjeve të zhvilluara.

SKEMA PLAYOFF

Golden State Warriors ka qenë pa Stephen Curryn sot, ndërsa më efikasi në ekip ka qenë Mareese Speights me 22 pikë të shënuara.

Ndeshja e radhës luhet përsëri në Houston dhe raketat do të kenë mundësi që të barazojnë serinë - që do të ishte befasi e dorës së parë duke ditur formën e jashtëzakonshme të Golden State Warriorsit.