PRIZRENI - VËLLAZNIMI
Ponte Prizreni me lehtësi, kryeson Superligën
14 March, 2021 @20:56
Skuadra e Ponte Prizrenit, e mposhti me lehtësi Vëllaznimin me rezultat 93-83.
Prizreni e kishte kontrollin e ndeshjes gjatë gjithë kohës dhe me këtë fitore rimerr kreun nga Ylli përsëri.
Divine Myles ishte koshashënuesi më i mirë me 31 pikë, derisa shkëlqeu Kwame Vaughn me 27 pikë, 9 kërcime e 8 asistime.
Te Prizreni u dalluan edhe Josh Martin me 18 pikë e 16 kërcime dhe Arti Hajdari me 15 pikë të tjera.
Te Vëllaznimi, 5 lojtarë luajtën me pikë dyshifrore, prej tyre u veçuan Emmanuel Emogbo 20 pikë, 8 kërcime e 8 asistime, Ty Nichols, Tiwian Kendly dhe Robert Shestani me nga 16 pikë secili, por nuk mjaftoi për fitore.
Prizreni gjendet në krye të Superligës me 16 fitore e 7 humbje, kurse Vëllaznimi në fund të tabelës me 7 fitore e 16 humbje.
Në xhiron tjetër Prizreni takohet me Pejën, kurse Vëllaznimi e pret Bashkimin në Gjakovë.
