AUDRIUS PRAKURAITIS
Prakuraitis: E kontrolluam ndeshjen në pjesën e dytë
18 March, 2017 @21:45
Trajneri i Sigal Prishtinës, Audrius Prakuraitis, e lëvdoi kundërshtarin e sotëm, Bashkimin, të cilin e mposhti me rezultat 95-85.
Prakuraitis tha se fitorja erdhi pasi skuadra e tij morri kontrollin në pjesën e dytë.
“Ishte ndeshje e vështirë. Bashkimi ka ekip të mirë dhe trajner të mirë. Ata janë të përgatitur mirë dhe luftuan mirë. Por ne e kontrolluam ndeshjen sidomos në pjesën e dytë dhe kështu arritëm te fitorja,” tha ai.
Për fund, trajneri lituanez komentoi edhe ndeshjen e radhës, ku Prishtina do ta pret Pejën në derbin kryesor të Superligës.
“I kemi dy ndeshje të vështira me radhë. Do të luajmë kundër Pejës dhe kjo do të jetë ndeshje edhe më e vështirë,” përfundoi ai.
