Prentendent kryesor për titull

Basketbollisti më i dalluar i Pejës Drilon Hajrizi në një deklaratë të tijën dhënë për faqen zyrtare të Pejës ka thënë se i beson shumë ekipit të tij.

“Definitivisht ndjehem mirë që isha pjesë e një grupi të mrekullueshëm lojtarësh. Kemi pasur lojëra të mira dhe probleme e dështime, por jemi kthyer. Pjesa e rregullt e kampionatit ka përfunduar dhe tani fillon pjesa kryesore. Mendoj se jemi pretendent kryesor për titull. Besoj se me ndihmën e gjithë qytetit do të arrijmë të dalim kampionë. Besoj shumë në këtë ekip,” ka thënë Hajrizi për kbpeja.com sot.

Peja në gjysmëfinale të Play-Offit ndeshet me Trepçën, ndërsa në finalen potenciale ndeshet me fituesin e duelit Sigal Prishtina - Bashkimi.