SPURS 2
Foto: chatsports.com
Dominim në mbrojtje, për 2-0
20 April, 2016 @6:18
Patty Mills ka shënuar 16, ndërsa Kawhi Leonard ka shtuar 13 pikë të tjera në ndeshjen ku San Antonio Spurs mposhti Memphis Grizzliesin 94-68 për të marrë 2-0 epërsinë në seri.
LaMarcus Aldridge përfundoi takimin me 10 pikë e 8 kërcime për 26 minuta lojë. Aldrige u pushua gjatë gjithë çerekut të katërt nga Spurs, bashkë me Leonardin e Tony Parkerin, derisa Danny Green bëri një paraqitje të shkurtë.
Te Memphisi më të dalluarit kanë qenë Tony Allen me 12 dhe Zach Randolph me double-double prej 11 pikëve dhe 12 kërcimeve.
Dy ndeshjet e radhës të kësaj serie luhen në Memphis tash. San Antonio udhëheq me 2-0, ndërsa kush i arrin 4 fitoret e para kualifikohet tutje.
