Drita në finale të Play-Offit

Drita është shumë afër kthimit në Superligë. Atyre tash u ka mbetur vetëm edhe përballja finale e Play-Offit.

Basketbollisët e ekipit gjilanas kanë arritur që të mposhtin Kosovën e Vushtrrisë edhe në ndeshjen e dytë gjysmëfinale të Play-Offit për të siguruar finalen e garës në Ligë të Parë.

Fituesi i finales së Play-Offit kualifikohet direkt në Superligë, ndërsa humbësi i finales do të kërkojë mundësinë përmes ndeshjeve të barazhit ndaj Kerasan Prishtinës.

Drita ditë më parë kishte mposhtur edhe në ndeshjen e parë të serisë gjysmëfinale Kosovën dhe kështu me 2-0 në seri ata presin finalistin e radhës që vjen nga përballja Rahoveci - AS Kastrioti, ku vreshtarët kanë epërsi 1-0 në seri.