E fundit para finales

Para disa çastes faqja zyrtare e Sigal Prishtinës ka bërë të ditur se ekipi ka zhvilluar stërvitjen e fundit për sot, para finales së nesërme të ligës ballkanike.

Sigal Prishtina është akomoduar në Tivar sot, ndërsa ka kryer stërvitjet e fundit në palestrën “Topolica” para duelit final ndaj Mornarit, ku kërkon mbrojtjen e trofeut të fituar vitin e kaluar.

Finalja e BIBL ndërmjet Mornarit dhe Sigal Prishtinës zhvillohet nesër mbrëma me fillim në ora 20, ndërsa Sigal Prishtina ka epërsi prej 14 pikësh nga ndeshja e parë.