Prishtina, e pandalshme

Sigal Prishtina vazhdon të radhis fitoret në Superligë dhe të mos prish ecurinë perfekte të saj - me të gjitha fitore. 

Trepça doli e para në epërsi me treshen e Valdrin Haxhiut në sekondën e 30 të ndeshjes, derisa Sigal Prishtina barazoi përmes treshes së Edmond Azemit pas një minute. Mitrovicasit edhe dy herë dolën në epërsi 3-5 dhe 5-7 dhe pas barazimit të bardhekaltërve me pikët e Jordan Hulls, ekipi i Sabit Hadzic krijoi epërsi të pakapshme më, për të fituar çerekun e parë 23-14. 

Çereku i dytë ishte i barabartë, ku prishtinasit e fituan me një pikë dallim, derisa edhe njëherë i ndezën motorët në çerek të tretë për të ngritur edhe më epërsinë, ku në një moment ishte +27 për kampionen. 

Çereku i fundit përcaktoi vetëm rezultatin përfundimtar të ndeshjes derisa për Trepçën fitorja dukej larg tashmë. 

Dardan Berisha, i pakapshëm, pësëri shënoi më së shumti për Sigal Prishtinën, 25 pikë. Derisa këto pikë i kombinoi edhe me 5 asistime dhe 3 vjedhje topi. 

Atij i ndihmuan edhe Aaron McGhee me 19 pikë e 8 kërcime, pastaj kapiteni legjendar i ekipit, Edmond Azemi me 15 pikë, 5 asistime dhe 6 kërcime për të regjistruar fitoren e pestë me radhë në kampionat dhe për të mposhtur rivalin e vjetër Trepçën. 

Te ekipi i Ilir Selmanit, Ken Brown ka vazhduar me performacat e mira. Organizatori amerikan i mitrovicasve shënoi më së shumti pikë në ndeshje. Ai realizoi 30 pikë dhe 6 asistime në humbjen e dytë të ekipit të tij. 

Përveç Brownit, vetëm edhe Anthony Thompson dhe Valdrin Haxhiu regjistruar pikë dyshifrore për mitrovicasit. I pari shënoi 12, derisa tjetri 11 pikë. 

Derisa Sigal Prishtina vazhdon të jetë e para, Trepça tashmë vendoset në pozitën e katërt të tabelës pas disfatës së regjistruar. 

REZULTATET, TABELA AKTUALE