PENZA (F) - PRISHTINA (F)
Prishtina fiton bindshëm derbin ndaj Penzës
2 November, 2019 @22:02
Vashat e Prishtinës pa problem e mposhtën ate të Pezës me rezultat të thellë, 72-104.
Skuadra pejane arriti ti dalë ballë Prishtinës vetëm në çerekun e dytë, derisa Prishtina e dominoi ndeshjen në total.
Irma Konjusha dhe Enxhi Xhanaj ishin të pakapmshe në këtë ndeshje. Konjusha luajti me 29 pikë, 10 asistime e 7 kërcime, derisa Xhanaj me 27 pikë, 15 kërcime e 7 asistime.
Gjithashtu u dalluan edhe Enisa Kamerolli me 14 pikë e 7 asitime dhe Tringa Ukaj që luajti ndaj ish-skuadrës së saj me 13 pikë.
Te Penza u veçuan Valbona Bytyqi me 27 pikë, 6 kërcime e 6 asistime, Melita Luci me 20 pikë dhe Diedona Halitaj me 17 pikë të tjera.
Penza para kësaj humbjeje ishte e pa mposhtur me 3 fitore, tani bilanc të njejtë kanë edhe vashat e Prishtinës, kurse e vetmja skuadër pa humbje pas 4 xhirove është Bashkimi.
Në xhiron tjetër Penza udhëton në Prizren për t’u përballur me Bashkimin, kurse Prishtina e pret Kastriotin.
