BASHKIMI (F) - PRISHTINA (F)
TOPSPORTI/ Arian Paçarizi
Prishtina njofton me humbje kampionin
16 March, 2019 @22:03
Pas fitores në Kupë të Kosovës, vashat e Prishtinës arritën ta mposhtin edhe në Ligë kampionet aktuale të Kosovës Bashkimin.
Ndeshja përfundoi me rezultat 67-81 në favor të Prishtinës, në të shumtën e kohës e mysafirët ishin në epërsi.
Irma Konjusha ishte më e mira në parket me 29 pikë, derisa në 10 tentimet e saj për 3 pikë, shënoi 5 herë. Pikë dyshifrore shënuan edhe Braennan Farrar 15 pikë, kurse Saranda Daci luajti me double-double prej 13 pikëve e 10 kërcimeve.
Te Bashkimi me pikë dyshifrore luajtën vetëm të huajat. Danisha Shaw shënoi 27 pikë e 8 kërcime, derisa Mari Stewart luajti me 19 pikë e 6 kërcime.
Krahas humbjes, vashat e Bashkimit nuk lëvizën nga pozita e parë, derisa Prishtina u ngrit në pozitën e dytë me bilanc prej 11 fitoreve e 2 humbjeve.
