4-0 e Yllit ndaj Bashkimit

Ka ardhur më lehtë sesa që është pritur edhe fitorja e katërt e këtij stinori për Yllin ndaj Bashkimit në Superligë të Kosovës.

Pas çerekut të parë dhe të dytë u thellua epërsia, ndërsa në pjesë të dytë suharekasit e drejtuar nga Arben Krasniqi kontrolluan arsyeshëm lojën për të shkuar në fitore të sigurt pa telashe në përballjen derbi të ditës.

Kjo ka qenë fitorja e katërt e Yllit këtë stinor ndaj Bashkimit, që ndodh për herë të parë në histori të klubit suharekas.

Dallimi në fund të ndeshjes shkonte rreth 20 pikë, për të përfunduar ndeshja me rezultat 86-68 [24-15, 21-14, 24-21 dhe 17-18].

TABELA AKTUALE

Më i dalluari te Ylli ka qenë playi i skuadrës, Clay Everett që ka shënuar 23 pikë, 7 asistime dhe 4 kërcime në fitore. Ndërsa kontribut të madh ka dhënë edhe Alban Veseli me 20 pikë të shënuara, 4 asistime e 5 kërcime.

Te Ylli për 18 minuta lojë ka debutuar edhe përforcimi i ri i skuadrës Bambale Osby, që ka shënuar 6 pikë, e 5 kërcime.

Sa i përket ekipit kampion aktual, Bashkimit, mundi i Drilon Hajrizit me 15 pikë, 8 kërcime si dhe i Steven Haneyt me 14 të shënuara, nuk kanë mjaftuar për më shumë.

Ylli rikthehet pas 2 orësh në pozitë të dytë të klasifikimit. Ndërsa Bashkimi me një ndeshje më shumë të zhvilluar se rivalët e afërt, është i katërti në klasifikim.