PRISHTINA E FILLON ME HUMBJE!
Prishtina shënon humbje në rikthimin e saj në BIBL
22 November, 2023 @19:55
Prishtina i është kthyer Ligës Ballkanike me humbje. Bardhekaltërit, dy herë fitues të kësaj lige që tashmë ka rënë nga rëndësia që e ka pasur dikur, është mposhtur sonte në Cetinje të Malit të Zi, nga Lovçeni me rezultat 90-83.
Ekipi malazez me vetëm tre të huaj në ekip i ka treguar Prishtinës që basketbolli është sport ekipor, duke luajtur menĻur që nga fillimi i ndeshjes, ndërsa rikthimi i Prishtinës, përkundër mundit të treguar në çerekun e fundit ishte, larg.
Me nga 18 pikë te Lovçen më efikasit ishin Masan Vrbica dhe Alija Islamovic, ndërsa te Prishtina nuk kanë mjaftuar 24 pikët e Derrick Wilsonit e 16 të tjera të Shaheed Davisit.
Me këtë, Prishtina e nis BIBL me bilanc 0-1, ndërsa Lovçen ka barazuar bilancin në 1-1.
