RAHOVECI - YLLI
Rahoveci ende pa fitore në Ligën Unike
13 November, 2021 @19:09
Skuadra e Rahovecit, u mposht edhe në xhiron e katërt të Ligës Unike.
Kampioni aktual i Ligës Unike, Ylli, triumfoi në Mizair Isma me rezultat 72-77.
10 minutëshi i parë në ndeshje përfundoi me rezultat të barabartë (16-16), derisa Ylli e mbylli pjesën e parë në epërsi prej 7 pikëve, 34-41.
Skuadra suharekase e zgjëroi epërsinë në 10 pikë 55-65, derisa Rahoveci u rikthye në çerekun e fundit.
Vreshtarët 10 minutëshin e fundit ishin më të mirë se Ylli, por gjithçka që arritën të bëjnë ishte vetëm zbutja e epërsisë në pesë pikë.
Më i miri i Yllit ishte Brandon Randolph me 23 pikë, 7 asistime e 5 kërcime, kurse u ndihmua edhe nga Erjon Kastrati me 20 pikë dhe Barret Benson me 16 pikë e 12 kërcime.
Te Rahoveci u veçuan Milik Yarbrough me 20 pikë e 13 kërcime dhe Musab Mala me 15 pikë të tjera.
Kjo fitore vlen edhe në Superligë. Ylli në Ligën Unike ka bilanc prej 3 fitoreve e 1 humbje, kurse në Superligë 7 fitore e 4 humbje, ndërsa Rahoveci në Ligën Unike nuk ka fitore pas 4 ndeshjeve të zhvilluara, derisa në Superligë ka bilanc prej 2 fitoreve e 8 humbjeve.
