CELTICS - ROCKETS
Foto: nba.com
Rikthim senzacional nga Bostoni
29 December, 2017 @10:00
Një ndeshje fenomenale u luajt sot në mëngjes në TD Garden në mes të Bostonit dhe të Houstonit.
Houstoni e kishte krijuar një epërsi prej 26 pikëve dhe të gjithë menduan se do të kthehen në Teksas me fitore.
Por një gjë e tillë nuk ndodhi. Lojtarët e Bostonit sidomos në pjesën e dytë të ndeshjes e kërkuan fitoren deri në sekondat e fundit dhe e arritën qëllimin duke e mposhtur kundërshtarin me rezultat të ngushtë 99-98.
Rolet kryesore në këtë ndeshje i takuan Kyrie Irvingut i cili luajti me 26 pikë e 4 kërcime e 4 asistime dhe rookiet Jayson Tatum (19 pikë e 5 kërcime).
Te Houstoni shkëlqeu super ylli James Harden me 34 pikë, 10 asistime e 8 kërcime.
Bostoni ka bilanc prej 29 fitoreve e 10 humbjeve, derisa kjo ishte humbja e katërt rresht për Houstonin.
