Rahoveci ndan rrugët me trajnerin

Skuadra e KB Rahovecit, ka ndarë rrugët me trajnerin e deritashëm të ekipit, Mark Rodiqi.

Borozani.com ka mësuar se ekipi i vreshtarëve do të kërkojë trajner të ri në vijim, derisa Rodiqi ka konfirmuar se nuk është më me ekipin.

Ky stinor ka qenë i pari për Mark Rodiqin si trajner i një ekipi të Superligës. Ai me Rahovecin ka përfunduar stinorin vjeshtor në pozitën e katërt me plotë shpresë për Play-Offin e parë në histori të klubit.

Rahoveci përfundoi 14 ndeshjet e para të stinorit me tetë fitore dhe gjashtë humbje.

Përveç Superligës, Rahoveci ka gjasa të mira të kalojë për herë të parë në histori të klubit edhe në Final Four të Kupës së Kosovës.

Rahoveci do të ndeshet me ekipin e Kerasan Prishtinës në duelin çerekfinal të Kupës së Kosovës, fituesi i së cilës ndeshje, do të arrijë Final Fourin e garës.