BËHET I DITUR TRAJNERI I RI I EKIPIT
Risi te Prishtina, trajneri qipriot
25 December, 2015 @13:31
Antonis Constantinides është kryetrajneri i ri i Sigal Prishtinës ka bërë të ditur sot Florian Miftari, drejtor i klubit bardhekaltër në një konferencë për shtyp të ekipit.
Constantinides ka qenë trajner i Energias rumune që kishte qenë në një grup me ekipin bardhekaltër në kuadër të FIBA Europe Cup.
Qiprioti 41 vjeçar do të zë vendin e Marjan Iliveskit që u largua në fillim të këtij muaji nga Sigal Prishtina.
Constantinides ka qenë edhe trajner i reprezentacionit të Qipros në fillim të karrierës së tij, derisa Energia ka qenë ekipi i parë i tij që e ka trajnuar jashtë vendit të tij.
