RTV 21 largon Cartwrightin

RTV 21 ka larguar playmaker-in amerikan të skuadrës, Bryce Cartwright, pas humbjes nga Peja mbrëmë. Teleboysat kanë humbur me njëzetë pikë epërsi miqësoren ndaj Pejës në Karagaç mbrëmë dhe kjo ka shtyrë klubin nga Prishtina që të ndërmerr hapa të menjëhershëm. 

“Kemi vendosur që të largojmë Bryce Cartwright dhe në vend të tij të sjellim Brandon Jenkins-in,” ka thënë drejtori i RTV 21, Leart Hoxha, transmeton sot gazeta Arena. 

Për më tepër Hoxha ka paralajmëruar se asnjëri nga të huajt e Teleboysave nuk e ka vendin e sigurtë në përbërje pasi që nga miqësoret e radhës do të varet qëndrimi ose jo i tyre në skuadër. 

RTV 21 deri më tani ka angazhuar Ersan Ozseven, Marius Kasiulevicius dhe Brian Hamilton, prej të huajve në ekip.