CAMERON RUNDLES
Cameron Rundles, KB Peja/ BOROZANI/ G. P.
Rundles: I falenderoj tifozët, luajtëm si ekip
9 February, 2017 @12:51
Njëri ndër basketbollistët më të dalluar të Pejës në fitoren e mbrëmshme ndaj Kumanovës, Cameron Rundles, ka thënë se ekipi i tij luajti mirë si në mbrojtje ashtu edhe në sulm, për të arritur te fitorja.
“Ka qenë një fitore tepër e rëndësishme për ne. Pak pas fillimit të ndeshjes humbëm Noah Dahlmanin dhe u detyruam të ndërrojmë taktikën. Çelësi i fitores ka qenë mbrojtja jonë dhe tashmë jemi afër çerekfinaleve. I falenderoj tifozët gjithashtu për përkrahjen e madhe,” ka thënë Rundles për faqen zyrtare të BIBL.
Rundles kontribuoi me 25 pikë dhe 5 asistime në fitoren e Pejës. Peja pas kësaj fitoreje ka bilanc 2-2 në fazën e dytë të BIBL dhe është ekipi i vetëm këtë stinor nga Kosova që ka arritur në këtë fazë të garave.
