Scott Bamforth me Kosovën ndaj Maqedonisë sonte

Basketbollisti i natyralizuar i Kosovës, Scott Bamforth, pritet t’i ndihmojë sonte reprezentacionit tonë në përballje ndaj Maqedonisë.

Njoftimin e ka bërë të ditur vetë ekipi i tij, Dinamo Sassari, që përmes një komunikate ka shkruar se lojtari ka ateruar në Sardenjë më 8 gusht, ndërsa do t’i bashkohet reprezentacionit të tij, të Kosovës dhe pas kryerjes së detyrave me reprezentacion, do t’i kthehet ekipit.

Bamforth iu bashkua ekipit të Serie A-së këtë verë, duke ardhur nga Bilbao Basket e Liga Endesas spanjolle.

ORARI dhe TABELA

Amerikani në fjalë, është njëri ndër tre basketbollistët e natyralizuar të Kosovës. Asnjëri nuk ka qenë në dispozicion në dy ndeshjet e para, për shkak të lëndimeve, ndërsa tash Bamforth duket të jetë mirë dhe pritet që t’i ndalë në ndihmë reprezentacionit që ka nevojë për një playmaker të rangut të tij, pasi që Jaren Sina dhe Leonard Mekaj nuk fitojnë besim më të madh nga selektori Brad Greenberg.

Deri tash, Greenberg ka përdorë herë Dardan Berishën, herë Erjon Kastratin, por edhe Drilon Hajrizin në rolin e organizatorit në dy ndeshjet e para, ku njërën Kosova e fitoi, ndërsa tjetrën u mposht.

Borozani.com ka arritur të konfirmojë njoftimin e Dinamos, se Bamforth është në Shkup dhe është në dispozicion të Kosovës për ndeshjen e sontme.

Sonte, në 20e30 Kosova është mysafire e Maqedonisë.