Simone Biles e përkryer në gjimnastikë

Simone Biles nga SHBA-të pati paraqitje gati perfektë për të siguruar të artën olimpike në garën e përgjithshme tek femrat në gjimnastikë artistike. Tri herë kampionia botërore në këtë kategori mori notë të 15.866 në kali, derisa paraqitjen e përfundoi me 15.933 në dysheme, për të mbaruar garën me 62.198.
Bashkëkombësja e saj, Aly Raisman përfundoi në pozitën e dytë falë një paraqitje gjithashtu të shkëlqyeshme në dysheme. Raisman në fund pati 60.098 pikë.
Rusja Aliya Mustafina përsëriti suksesin e para katër viteve duke fituar të bronztën pas paraqitjeve të dobëta në kali të shtrirë dhe dysheme. Në fund ajo pati vetëm 58.665.
Për që të tri gjimnastet, këto janë medaljet e dyta pas atyre ekipore. SHBA-të – pjesë e të cilës ishin edhe Biles e Raisman, kishin fituar të artën në konkurrencën ekipore, derisa Mustafina të argjendtën me Rusinë.