Superkupa e Kosovës, zgjedhet qyteti mikpritës

Superkupa e Kosovës në basketboll do të mbahet në Prizren.

Ky vendim është bërë i ditur sot nga FBK-ja, derisa gara në fjalë do të zhvillohet mes datave 7-11 Shtator 2024 në palestrën “Sezai Surroi”.

Garuese do të jenë tetë skuadrat e Superligës dhe gara do të fillojë në formë të çerekfinaleve nga data 7, për të shkuar pastaj te finalja që luhet më datën 11.

Vitin e kaluar këtë trofe e kishte fituar skuadra e Trepçës, që në finale fitonte ndaj Pejës.