NË DURRËS
Teuta fiton derbin ndaj Vllaznisë
22 December, 2016 @15:20
Skuadra nga Durrësi, Teuta, ka shënuar fitore në derbin e xhiros së elitës së basketbollit të Shqipërisë, duke e mposhtur Vllazninë e Shkodrës me rezultat 81-73.
Robert Shestani (22 pikë, 8 kërcime, 5 asistime) dhe Niko Thano (17 pikë, 7 asistime) kanë qenë më efikasit në fitoren e Teutës, ndërsa te Vllaznia më të dalluarit në humbje kanë qenë Gjon Ndoja (21 pikë, 3 kërcime, 3 asistime) dhe Julian Hamati (18 pikë, 9 kërcime, 2 asistime).
Pas kësaj ndeshjeje, Teuta është në pozitë të dytë të klasifikimit të Superligës me bilanc 8-2, ndërsa Vllaznia e treta me 6-4. Lidere është Tirana me bilanc 9-1.
