TOP 5-shja e javës në Superligë (14)

TopSporti.com ka zgjedhur më të mirët e xhiros së 14 në Superligën e Kosovës në basketboll.

Ekipin e javës e përbëjnë: Divine Myles (Prishtina), Corey Raley-Ross (Bashkimi), Malcolm Canada (Prizreni), Ujkan Karanezi (Bashkimi) dhe Drilon Hajrizi (Peja).

Prishtina e regjistroi fitoren e tretë rresht, duke e mposhtur Feronikelin me rezultat 70-119. Më i miri te skuadra e Prishtinës ishte Divine Myles. Ai ishte shumë afër shifrave magjike triple-double me 37 pikë, 10 asistime e 8 kërcime.

Bashkimi e mposhti liderin e Superligës, Rahovecin, me rezultat 85-81. Te skuadra prizrenase, në mungesë të Terik Bridgemanit, në skenë ishin Corey Raley-Ross dhe Ujkan Karanezi. Ross dhe Karanezi luajtën me double-double. Corey 26 pikë e 10 kërcime, ndërsa Ujkani me 19 pikë e 12 kërcime.

Mbrojtja më e mirë e sezonit erdhi nga skuadra e Prizrenit kundër Trepçës. Prizreni pësoi vetëm 51 pikë nga skuadra mitrovicase, që ishin pikët më të ulëta deri më tani.

E gjatë ndeshjes më i dalluari ishte Malcolm Canada. Ai luajti me 24 pikë, 14 kërcime e 7 asistime.

Pesëshen e javës e mbyll Drilon Hajrizi i Pejës me rekord të sezonës. Hajrizi kundër Lipjanit luajti me 43 pikë (shifra më e lartë e sezonës), derisa në statistikat personale i shtoi edhe 15 kërcime e 7 asistime.