Tornado pejane në fund, fitore në superderbi

Peja ka arritur që të fitojë dramën e superderbit të basketbollit tonë, duke e mposhtur Sigal Prishtinën me 3 pikë epërsi 65-68 si mysafir. 

Kampionët bardhekaltër kanë pasur epërsi në 3 çerekët e parë të ndeshjes dhe vazhdimisht e ngritnin atë, por një tornado pejane në çerekun e fundit ka shkrirë gjithë kapitalin prishtinas duke fituar në fund me 3 pikë dallim. 

Kevin Burwell dhe Roland Davis kanë shkëlqyer me pikët e tyre në çerekun e fundit, ndërsa në fundin e ngushtë janë treguar të saktë edhe nga gjuajtjet e lira për të bërë rikthimin 18 pikësh në çerekun e fundit. 

Sigal Prishtina tentoi për të barazuar në fund, por shuti i Khalid El Aminit nuk e gjeti koshin. 

TABELA AKTUALE E SUPERLIGËS

Vendasit fituan çerekun e parë me 7 pikë epërsi, 20-13, e shtuan atë në fund të pjesës së parë në 38-27 për të bërë 55-40 10 minuta pa përfunduar ndeshja. 

E 10 mintuëshi i fundit foli verdhezi ku Peja shënoi 28 pikë duke pranuar vetëm 10 dhe e arriti fitoren e madhe ndaj Prishtinës. 

Burwell përfundoi ndeshjen me 18 pikë të shënuara dhe 4 asistime, derisa pikë dyshifrore shënuan edhe Nenad Delic (15), Sam Muldrow (13) dhe Drilon Hajrizi (12 pikë + 8 kërcime). 

Te Prishtina, që përjetoi humbjen e parë në Superligë dhe të dytën në stinorin e ri nga Peja (duke llogaritur edhe Superkupën), Khalid El Amin shënoi 15 pikë e 5 asistime, kapiteni Edmond Azemi kontribuoi me 14 pikë e 7 kërcime, ndërsa Gjorgji Cekovski me 11 pikë. 

Dy lojtarët së fundi të transferuar në Prishtinë, Dardan Berisha dhe Jason Washburn, nuk kanë pasur të drejtë loje në këtë ndeshje. 

Peja ka mbetur ekipi i vetëm në Superligë pa humbje këtë stinor, derisa Sigal Prishtina ka përjetuar humbjen e parë. 

Statistikat individuale te Sigal Prishtina:

Statistikat individuale te Peja: