VRESHTARËT NISIN PËRFORCIMET
Tyler Deihl kthehet te Rahoveci
28 December, 2017 @19:51
Basketbollisti amerikan, që stinorin e kaluar kishte veshur fanellën e KB Rahovecit, Tyler Deihl, do të kthehet te vresharët për pjesën e dytë të stinorit.
Deihl që pjesën e parë të këtij stinori e kaloi te KK Strumica në elitën maqedonose, ka falenderuar ekipin e tij të deritashëm duke paralajmëruar rikthimin e tij te vreshtarët që nga janari 2018.
Edhe në stinorin e kaluar, Deihl kishte ardhur te Rahoveci në janar.
Së fundi te Strumica, playmakeri 26 vjeç ka kaluar stinorin vjeshtor dhe ka pasur mesatare prej 14 pikëve për ndeshje, 3.4 kërcime për ndeshje dhe 1.9 asistime për ndeshje.
