PARA NDESHJES
Visar Ejupi: Rahoveci i gatshëm
21 October, 2020 @15:30
Njëri ndër basketbollistët e talentuar të ekipit të Rahovecit, Visar Ejupi, para ndeshjes çerekfinale të Superkupës ndaj Trepçës, ka thënë se ekipi i tij është i gatshëm për përballjet.
“Përgatitjet kanë shkuar shumë mirë dhe po përgatitemi për ndeshjen çerekfinale kundër Trepçës. Po shpresojmë për një paraqitje sa më të mirë. E kemi pasur edhe një ndeshje miqësore me Ponten, ku besojmë se jemi të gatshëm për Superkupë dhe edicionin e ri”, është shprehur Ejupi për faqen zyrtare të FBK-së.
Fituesi i duelit Rahoveci-Trepça në gjysmëfinale do të ndeshet me fituesin e përballjes Sigal Prishtina-Vëllaznimi.
Përballja Rahoveci-Trepça zhvillohet sot prej orës 17:00 në Shani Nushi të Gjakovës.
