FITORE PËR VUSHTRRINË!
Vushtrria pa problem ndaj Gjakovës së Re
9 November, 2023 @21:48
Skuadra e Vushtrrisë ka shënuar fitoren e pestë kampionale sonte, duke e mposhtur pa shumë telashe Gjakovën e Re. Ekipi i vushtrrisë krijoi avantazh madhor në pjesë të parë të ndeshjes, për të shkuar lehtë te fitorja, ndërsa në të dytën duke testuar të gjithë lojtarët në dispozicion, ndeshja përfundoi 87-70.
Drinor Gërxhaliu me 14 pikë ka qenë koshashënuesi më i mirë i Vushtrrisë në fitore, ndërsa me 13 pikë të shënuara për ekipin vushtrrias kanë luajtur edhe Ramadan Zekiqi dhe Paraart Zeqiri. Te Gjakova e Re koshashënues më i mirë ishte Diar Efendija me 21 pikë. Me këtë fitore Vushtrria bën bilancin 5-2, ndërsa Gjakova e Re aktualisht ka bilanc 1-6.
