Ylli fiton derbin, Bashkimi i gëzohet

Një super fund në ndeshjen derbi në mes të Rahovecit dhe Yllit, i takoi kampionit aktual Yllit, që e mposhti Rahovecin me rezultat 69-72.

Vreshtarët çerekun e parë e përfunduan me 9 pikë epërsi, 23-14, kurse Ylli në 10 minutëshin e dytë u këndellë dhe e ngushtoi epërsinë e Rahovecit në 3 pikë, 34-31.

Kampioni aktual në çerekun e tretë kaloi në epërsi prej 2 pikëve 50-52, derisa në çerekun e katërt e ngriti epërsinë deri në 11 pikë.

Rahoveci në minutat e fundit duke shënuar nga vija e treshit e ngushtoi përsëri rezultatin por nuk arriti ta mposht kundërshtarin.

Mikaile Tmusic ishte koshashënuesi më i mirë te Ylli me 18 pikë. Ai u ndihmua edhe nga Chris Harris me 15 pikë, 12 kërcime e 5 bllokada dhe Malcolm Grant me 12 pikë të tjera.

Te Rahoveci shkëlqeu Musab Mala me 30 pikë, së bashku me të u dalluan edhe TJ Dunans me 19 pikë e Makol Mawien me 11 pikë.

TABELA AKTUALE

Me këtë fitore të Yllit, më shumë u gëzua Bashkimi, ngase ngritet në poztiën e gjashtë dhe në xhiron e fundit do të përballet me Dritën që nuk ka asnjë fitore deri më tani.

Në anën tjetër, Rahoveci ka bilanc të njëjtë sikurse Bashkimi me 11 fitore e 16 humbje, kurse në xhiron e fundit do të përballet me Trepçën dhe avantazhi në duelet mes Bashkimit gjendet te skuadra prizrenase (3-1).