ROLAND GARROS
Foto: Roland Garros
11 herë, Nadal vazhdon sundimin në RG
10 June, 2018 @18:19
Vazhdon dominimi i Rafael Nadalit në Roland Garros!
Për të njëmbëdhjetën herë në karrierë, teniseri spanjoll ka arritur ta fitojë këtë garë në po aq finale të luajtura, duke e përforcuar edhe më tepër epitetin e ‘Mbretit të Dheut’. Sa i përket Grand Slameve, ky ishte i 17-i për spanjollin në karrierë.
Nadal në finalen e sotme e mposhti austriakun Dominic Thiem, për të cilin kjo ishte finalja e parë në këtë garë, derisa ndeshja kaloi pothuajse me dominim të plotë të spanjollit.
Seti i parë u mbyll 6-4, i dyti 6-3, ndërsa i treti u mbyll 6-2, për të mos ia lënë as ‘setin e nderit’ austriakut Thiem.
Me këtë triumf Nadal vazhdon të mbetet numri 1 i botës së tenisit, derisa Thiem aktualisht mbetet i teti në radhitje.
