JAVA II
Foto: BOROZANI
2 duele mes skuadrave pa fitore
8 October, 2017 @12:33
Pas fitores së Prishtinës ndaj Pejës dhe Rahovecit ndaj Yllit në ndeshjet e djeshme, java e dytë e Superligës së Kosovës në basketboll vazhdon me dy ndeshjet e tjera.
Sot Superliga sjell duele mes 4 skuadrave që pësuan humbje në xhiron e parë.
Me fillim nga ora 18:00, Kerasan Prishtina pret Trepçën në kryeqytet, në një takim që pritet të jetë mjaft interesant, kur dihet që të dyja skuadrat përbëhen totalisht nga lojtarë vendorë si dhe që të dyja janë të interesuara për ta arritur fitoren e parë sezonale.
Në takimin tjetër të ditës, Bashkimi favorit e pret në ‘Sezai Surroi’ Borean nga qyteti i Pejës, në një duel i cili nis me prizrenasit favorit në letër. Ky takim fillon në ora 19:00.
