PRISHTINA - BOREA
20-0, Prishtina vazhdon serinë
15 February, 2018 @21:15
Vazhdon forma perfekte e Sigal Prishtinës në Superligë!
Kampioni në fuqi i Kosovës sonte shënoi fitore të parashikueshme ndaj Boreas në shtëpi, fitore e cila ishte e 20-ta me radhë në Superligë.
Ndeshja kaloi pa histori, me mysafirët që rrezik paraqitën vetëm në çerekun e dytë, derisa rezultati final i përballjes ishte 115-82.
Më të veçuarit te kryeqytetasit sonte ishin Alban Veseli me 32 pikë (5 trepikësha), 11 kërcime e 6 asistime dhe Rinor Peci me 25 pikë, 3 kërcime e 6 asistime, derisa te Borea u dalluan Sami Hajzeri me 16 pikë, 2 kërcime e 3 asistime, Shpend Gashi me 12 pikë, 1 kërcim e 2 asistime dhe Blendi Matoshi me 11 pikë, 13 kërcime e 5 asistime.
Bilanci 20-0 e mban Prishtinën lidere, derisa Borea vazhdon luftën me Pejën e Kerasanin për të mbetur në elitë.
