TREPÇA - RAHOVECI
Trepça mposht Rahovecin, shpreson Play Off-in
15 February, 2018 @19:56
Me rezultat 84-78 është mbyllur dueli i parë i natës së sotme në Superligë.
Skuadra e Trepçës u tregua skuadër më e mirë se skuadra e Rahovecit dhe arriti të triumfojë në këtë duel, triumf i cili bën që gjasat e Trepçës për arritjen e Play Off-it të mbesin ende reale.
Tre çerekët e parë të ndeshjes kaluan me vendasit dominues, ndërsa ‘vreshtarët’ provuan përmbysjen në 10 minutëshin e fundit, mirëpo për ndonjë rikthim eventual ishte vonë dhe takimi u mbyll me fitoren e ‘xehetarëve’.
Më të dalluarit te mitrovicasit sonte ishin Imer Tahiri me 22 pikë, 4 kërcime e 1 asistim, Besnik Azemi me 19 pikë, 9 kërcime e 1 asistim dhe Malik London me 17 pikë, 11 kërcime e 1 asistim, derisa te mysafirët u veçuan Mark Williams, ish-lojtari i Trepçës dhe transferi i fundit i Rahovecit, me 18 pikë e 10 kërcime, dhe Muhamed Hasani me 12 pikë, 2 kërcime e 3 asistime.
Kjo humbje bën që bilanci i Rahovecit tashmë të jetë 11-9, derisa Trepça aktualisht ka bilanc 9-11.
