5 gola në Ferizaj, Dinamo mposhtë Fushë Kosovën

Plot 5 gola të shënuara sot në ndeshjen mes Dinamos dhe Fushë Kosovës në Grupin B të Ligës së Parë.

Në fund triumfit iu gëzua skuadra vendase, që ndeshjen e mbylli me fitore 3-2.

Kenan Orana në minutën e 16’ ishte ai që ia dha epërsinë fillestare ferizajasve sot, me golin e të cilit pjesa e parë u mbyll 1-0. Asistues te ky gol ishte Getuart Leci.

TABELAT E GRUPEVE

Pjesa e dytë dhuroi plot 4 gola. Fillimisht mysafirët shënuan dy herë (Kristi Kote, Arbenit Krasniqi), për ta përmbysur rezultatin në 1-2, para se Kenan Orana (78’), i asistuar nga Ramush Ramadani, t’i barazonte shifrat në 2-2.

E fitoren skuadrës ferizajase ia siguroi goli i Ardian Shaljanit në minutën e 81’, gol i cili e vulosi epilogun përfundimtar 3-2 për vendasit. Asistues te ky gol ishte Ardian Mani.

Fitorja e sotme e mban Dinamon në vendin e dytë të Grupit B, kurse Fushë Kosova për momentin ndodhet pranë skuadrave që rrezikojnë rënien në Ligën e Dytë.

Xhiron që vjen, Dinamo luan në udhëtim te Vjosa, kurse Fushë Kosova e pret 2 Korrikun.