Asveli befason Milanon duke ia vazhduar serinë e humbjeve

Skuadra franceze Asvel Basket, befason Olimpia Milanin duke i mposhtur me rezultat 89:82.

Përgjatë pjesës së parë basketbollistët e Milanit ishin më të mirë duke shkuar në pushim me një epërsi prej 7 pikësh, por në çerekun e tretë vendasit shënuan 32 pikë për dallim prej mysafirëve që shënuan 16 pikë, derisa këtë epërsi arritën që të ruajnë deri në fund për ta mposhtur kundërshtarin jo në formë të mirë.

David Lighty me 19 pikë dhe Jordan Taylor me 18 pikë ishin më efiktivët tek Asveli, derisa tek Milani më efikasi ishte veteran Luis Scola i cili luajti me 14 pikë.

Kjo ishte fitorja e 6 për Asvelin, krahas 7 humbjeve që i ka, kurse për EA7 Olimpia Milan kjo ishte humbja e 6 e stinorit dhe e katërtat rresht, derisa me 7 fitore gjenden në pozitën e tetë të tabelës.