Bashkimi afër Balkan League

Skuadra e Bashkimit të Prizrenit ka filluar përgatitjet për Balkan League, derisa të hënën pret vizitën e drejtorit të kësaj lige, Shay Shtriks në qytet. 

Inspektimi, të hënën

Ekipi portokall-e-zi nga Prizreni ka marrë premtime të mëdha për sigurim të buxhetit për të përballuar garat në BIBL këtë stinor dhe drejtuesit e klubit shpresojnë se do të marrin aprovimin e Shtriksit, që do të vizitojë qytetin për të shikuar infrastrukturën dhe për të bërë takime të ndryshme me krerët e qytetit, para përgjigjes përfundimtare, ka mësuar Borozani.com nga burime brenda klubit. 

Nominimi

Federata e Basketbollit të Kosovës, FBK, duhet të nominojë maksimalisht dy skuadra nga Kosova për pjesëmarrje në këtë ligë. 

Sigal Prishtina dhe Peja kanë marrë pjesë stinorin e kaluar nga Kosova në BIBL, ku prishtinasit u shpallën kampionë në fund, derisa Peja arriti gjysmëfinalen. 

E treta

Bashkimi në tre stinorët e fundit është fuqia e tretë e basketbollit në Kosovë, duke përfunduar në të tre rastet pas Prishtinës dhe Pejës në tabelë. 

Ata kanë luajtur dy herë në katër vitet e fundit, finalen e Kupës së Kosovës.  

FBK është qe dy stinorë e pranuar në BIBL, derisa Sigal Prishtina dhe Peja janë skuadrat që po marrin pjesë qe dy stinorë me radhë aty.