Bashkimi fiton dramën ndaj Pejës

Ndeshja e mbetur e xhiros së shtatë ndërmjet Bashkimit dhe Pejës, u shndërrua në dramë të vërtetë, ku në fund fitores i’u gëzua skuadra vendase me rezultat minimal 78-77.

Faulli i fituar edhe katër sekonda para fundit nga Marko Popovic, i cili ishte i saktë në dy tentimet e tij nga vija e gjuajtjeve të lira, ia siguroi fitoren vendasve, pasi që në sulmin e fundit pak sekondësh të pejanëve, Mirza Ahmetbasic nuk arriti të jetë i saktë në tenimin e tij.

Që të dy skuadrat ishin të hendikepuar në këtë ndeshje, për shkak se shumica e lojtarëve nuk luajtën pasi që ishte ndeshje e mbetur nga muaji nëntor dhe vetëm lojtarët e regjistruar në atë kohë kanë pasur të drejtë loje.

Kështu, te Bashkimi munguan lojtarët si Justin Black, Antonio Jenifer, Arian Tahiri e Garrius Adams, derisa Peja nuk i pati në dispozicion lojtarët si Robert Abramovic, Cameron Rundles, Slobodan Miljanic, Jamie Skeen, Arian Qallaku e Blendi Matoshi.

Në mungesë të emrave të shumtë, që të dy trajnerët nuk shfrytëzuan më shumë se 7 lojtarë në këtë ndeshje.

Kayel Locke ishte koshashënuesi më i mirë te skuadra fituese me 20 pikë e 8 kërcime, ndërsa u ndihmua edhe nga Marko Popovic e Mikaile Tmusic.

Në anën tjetër, Noah Dallman u dallua te Peja me 26 pikë, derisa Alban Veseli e Mirza Ahmetbasic luajtën me double-double.

BASHKIMI KALON PEJËN NË TABELË

Me këtë fitore, Bashkimi e kaloi Pejën në radhitjen tabelare, duke pasur tani bilanc prej 16 fitoreve dhe 3 humbjeve, derisa Peja e pësoi humbjen e katërt në kampionatin e sivjetëm.

TABELA AKTUALE

Kjo ishte përballja e parë ndërmjet Bashkimit dhe Pejës në këtë stinor, pasi që që të dyja ndeshjet e pjesës vjeshtore ishin shtyer për shkak të angazhimeve të shumta të skuadrave në garat ndërkombëtare.

BASHKIMI

PEJA