MIQËSORE
BOROZANI
Bashkimi mposht Prishtinën
15 February, 2013 @20:29
Sigkos Bashkimi ka arritur të shënojë fitore sonte në ndeshjen miqësore ndaj Sigal Prishtinës me rezultat minimal 72-71. Ndeshja e zhvilluar në palestrën sportive Sezai Surroi, ka qenë mjaft interesante përkundër se ka pasur status miqësor. Ndërsa fitorja për prizrenasit ka ardhur krejt në fund kur i riu Altin Morina ka shënuar pikët vendimtare të ekipit, duke u bërë hero i vërtetë te tifozëria vendase.
Sigal Prishtina gjatë gjithë ndeshjes ka qenë në epërsi, derisa krejt në fund u ndalën nga Sigkos Bashkimi. Në sulmin e fundit të ish kampionit amerikani Alvin Snow ka dështuar të shënojë për fitoren e kryeqytetasve.
Kjo ishte humbja e dytë e Sigal Prishtinës brenda dy ditëve në ndeshjet miqësore, pasi që dje bardhekaltërit kishin pësuar humbje edhe nga RTV 21-shi, duke u mposhtur me rezultat 78-72.
KOSHASHËNUESIT E NDESHJES:
| Mark Dawson | 21 pikë | Bashkimi | |
| Kejuan Johnson | 19 pikë | Bashkimi | |
| Rokas Uzas | 18 pikë | Bashkimi | |
| Fisnik Rugova | 13 pikë | Prishtina | |
| Alvin Snow | 13 pikë | Prishtina | |
| Julian Terrell | 11 pikë | Prishtina | |
| Granit Rugova | 10 pikë | Prishtina | |
| Adnan Mustafa | 7 pikë | Prishtina | |
| Akida McLain | 7 pikë | Prishtina | |
| Mustafë Merovci | 6 pikë | Bashkimi |
