FITORE E RADHËS
Bashkimi përmbys Vëllaznimin, regjistron fitoren e dytë me radhë
30 September, 2023 @19:41
Skuadra e Bashkimit ka arritur të mposht Vëllaznimin në pjesë të dytë të ndeshjes, pas një rikthimi të fuqishëm në çerek të tretë (35-15) ku u bë dallimi i madh në duel.
Vëllaznimi kishte epërsi 4 pikëshe pas pjesës së parë, por ekipi i drejtuar nga Edin Kërveshi shkëlqeu në pjesë të dytë për të arritur te fitorja, për përfundimtaren, Bashkimi 98-89 Vëllaznimi [20-20, 21-25, 35-15, 22-29].
Erik Copes, Samir Zekiqi dhe Anthony Buzz luajtën me mbi 20 pikë secili, i pari dhe i dyti dhanë nga 25, ndërsa i treti 22 pikë. Zekiqi shutoi 5/8 për tre pikë, ndërsa 17 pikë tjera i dha Grant Lozoya.
Te Vëllaznimi, loja e mirë e Jalen Rayit në pjesë të parë, u ndalë në të dytën, ndërsa amerikani kreu ndeshjen me 24 pikë, një më shumë sesa Samuel Sessoms që dha 23 të tjera.
Pas dy xhirosh, Bashkimi ka bilanc 2-0, ndërsa Vëllaznimi 0-2.
