Fantasy TopSporti
Të gjitha lajmet
Tabelat dhe Rezultatet

SUHAREKË

Beciragic, Zeqiri e Elshani - vazhdojnë me kampionin e Kosovës

Fotot: KBYlli/fb

Beciragic, Zeqiri e Elshani - vazhdojnë me kampionin e Kosovës


28 June, 2022 @14:08

Trajneri boshnjak, Adis Beciragic dhe ndihmësit e tij Endrit Elshani dhe Petrit Zeqiri - do të vazhdojnë edhe për një stinor të jenë pjesë e ekipit kampion të Kosovës në basketboll, KB Ylli.

Ylli para pak çastesh ka zyrtarizuar njoftimin për treshen që quhet “truri” i ekipit, ndërsa Beciragic që mori drejtimin e reprezentacionit të Bosnjes e Hercegovinës këtë muaj, është konfirmuar të vazhdojë edhe me kampionin e Kosovës.

Kujtojmë, Ylli të gjitha trofetë e fituara deri tash, i ka fituar nën drejtimin e boshnjakut, ndërsa në njoftim ekipi e ka quajtur “El Profesor” atë.

Ylli në dy vitet e fundit ka fituar dy herë titullin e kampionit të Kosovës. Ka fituar më parë edhe edicionin e parë të Ligës Unike, si dhe Superkupën e kësaj gare.

Në një mënyrë, Ylli ka konfirmuar që do të jetë pjesë e Ligës Unike edhe këtë stinor 2022/23 pasi që në llogon e prezantimit të trajnerëve, pos asaj të FBK-së dhe Basketball Champions League, ku do të merr pjesë për herë të parë, shihet edhe ajo e Ligës Unike.


 
Të gjitha lajmet nga FBK Superliga