Besa mposht edhe Dritën

Besa e Pejës ka arritur të shënojë edhe fitoren e tretë në Superligë sonte duke e mposhtur Dritën e Gjilanit në palestrën Karagaç të Pejës me rezultat 86-78. 

Pejanët ia nisën shumë mirë ndeshjes duke arritur që të krijojnë epërsi të madhe në çerekun e parë, të cilën e mbajtën edhe në të dytën. 

Mirëpo, në çerekun e tretë Drita iu afrua shumë Besës duke e sjellë dallimin në vetëm 3 pikë në të mirë të Besës. Sidoqoftë, krejt në fund Besa arriti fitoren e tretë në kampionat, derisa Drita regjistroi humbjen e pestë të saj. 

Për Dritën debutoi sot ish basketbollisti i Teodos Takais Brown, i cili luajti gjatë gjithë ndeshjes duke mos pushuar asnjë minutë. 

Te ekipi fitues më i dalluari ishte qendra e gjatë, Brad Kanis, i cili luajti me efiçencë 27, duke shënuar 13 pikë dhe 14 kërcime për të kompletuar double-doublein e tij. 

Gjithashtu të efektshëm kanë qenë edhe Quentin Demeritte me 14 pikë, pastaj David King që gjithashtu shënoi 14 pikë. 

Në anën tjetër te gjilanasit Takais Brown ka debutuar me efiçencë më të mirë, duke arritur kuotën 27, i cili për një kërcim nuk arriti double-double në debutim. Brown shënoi 20 pikë, regjistroi 9 kërcime.

Statistikat e ndeshjes ju sjellim më vonë. 

Rezultatet dhe tabela aktuale.

Statistikat ekipore

	Besa	Drita
Çereku i parë	28	15
Çereku i dytë	14	18
Çereku i tretë	17	23
Çereku i katërt	27	22
Asistime	19	2
Kërcime	36	23
Bllokada	3	0
Topa të vjedhur	7	5
Topa të humbur	19	15
Tentime për tre pikë	2/12	5/25
Tentime për dy pikë	33/46	24/53
Tentime nga gjuajtjet e lira	14/24	15/29

Statistikat individuale te Besa

1	Quentin Demeritte	14 pikë	6 asistime	5 kërcime
2	David King	14 pikë	5 kërcime
3	Brad Kanis	13 pikë	14 kërcime	3 asistime
4	Arian Qallaku	12 pikë	5 kërcime	2 topa të vjedhura
5	Kevin Dukes	12 pikë	4 asistime	3 topa të vjedhura
6	Arti Hajdari	12 pikë	2 kërcime	2 asistime
7	Sami Hajzeri	5 pikë	3 kërcime	2 asistime
8	Beqë Kovaqi	2 pikë	2 kërcime	1 asistim
9	Dion Basha	2 pikë

Statistikat individuale te Drita

1	Adem Dushica	22 pikë	3 kërcime	1 top të vjedhur
2	Takais Brown	20 pikë	9 kërcime	1 top të vjedhur
3	Driton Sylejmani	13 pikë	3 kërcime	1 asistim
4	Jermelle Fraser	12 pikë	2 kërcime	1 asistim
5	Arian Mehmeti	5 pikë	6 kërcime	1 top të vjedhur
6	Laurant Ibrahimi	3 pikë
7	Kushtrim Bajramaliu	3 pikë