Besnik Krasniqi, golashënuesi aktiv i dytë pas luftës te Prishtina

Mbrojtësi i djathtë i Prishtinës, Besnik Krasniqi, i rikthyer sivjet në skuadër, është duke e zhvilluar sezonin e 6-të me ekipin me të cilin nisi karrierën e futbollistit, Prishtinën.

Krasniqi, pas rikthimit në skuadër, ka shënuar 6 gola, ndërsa në pesë edicionit e kaluara (2008-2013) kishte shënuar edhe 16 gola tjerë. Me 22 golat e shënuar, tani Besnik Krasniqi është momentalisht nga futbollistët aktiv i dyti me më së shumti gola të shënuar pas luftës, vetëm Gauthier Mankenda ka më shumë, 30 gola.

Përndryshe këtë sezonë, ai është në mesin e dhjetë shënuesve më të mirë të Superligës dhe ka 3 asistime të regjistruara.

Megjithatë është 38 gola larg golashënuesit më të mirë të skuadrës pas luftës, Sheremet Isufit me 60 gola të shënuar.

Besnik Krasniqi me Prishtinën me edicionin e tij të gjashtë me skuadrën bardhekaltër ka arritur në shifrën prej 161 ndeshjeve në tre gara zyrtare.